Ресейдің премьер-министрі Қазақстанға келіп, Назарбаев, Тоқаев, Маминмен кездеседі
Опубликовано:
Ресей премьер-министрі Михил Мишустин Қазақстан астанасына келеді. Іссапар 18-19 тамызға жоспарланған. Бұл туралы Ресей Федерациясы үкіметінің сайтында хабарланған.
Сапар барысында Мишустин Қазақстан премьер-министрі Асқар Маминмен келіссөз жүргізуді жоспарлап отыр. Одан бөлек, Ресей үкіметінің басшысы Қазақстан президенті Қасым-Жомарт Тоқаевпен және Елбасы Нұрсұлтан Назарбаевпен кездеседі.
"Өнеркәсіп, энергетика, көлік, мәдени-гуманитарлық салалардағы ресейлік-қазақстандық ынтымақтастықты дамытудың өзекті мәселелерін талқылау жоспарлануда.
Еуразиялық экономикалық одақ аясындағы ынтымақтастықты кеңейтуге және коронавирус инфекциясына қарсы күрес бойынша бірлескен шараларға ерекше назар аударылатын болады", - делінген хабарламада.
Мақаланың түпнұсқасы: https://kaz.nur.kz/politics/1927790-reseidin-premer-ministri-qazaqstanga-kelip-nazarbaev-toqaev-maminmen-kezdesedi/