RU

Серікқали Брекешев Экология, геология және табиғи ресурстар министрі болып тағайындалды

Серікқали Брекешев
Серікқали Брекешев. Фото: gov.kz

Серікқали Брекешев Экология, геология және табиғи ресурстар министрі болып тағайындалды. Бұл туралы Ақорда хабарлады.

"Серікқали Аманғалиұлы Брекешев Қазақстан Республикасының Экология, геология және табиғи ресурстар министрі лауазымына тағайындалсын", - делінген құжатта.

Серікқали Брекешев 1972 жылы Павлодарда өмірге келген.

Жоғары білімі бар. 1995 жылы Ш. Есенов атындағы Ақтау политехникалық институтын "Мұнай және газ кен орындарын игеру және пайдалану" мамандығы бойынша тәмамдаған.

Еңбек жолын экономист ретінде бастаған. "Қазақстан-Ресей сауда үйі" БК, бас директордың орынбасары болған.

Одан бөлек, энергетика және минералдық ресурстар, мұнай және газ министрліктерінде басшылық қызметтер атқарған.  

2015-2020 жылдары "ҚазТрансГаз" АҚ құрылымында  ГТЖ басқару жөніндегі басқарушы директоры, техникалық саясат жөніндегі басқарушы директоры, өндірістік-техникалық департаментінің директоры, бас директордың техникалық саясат жөніндегі орынбасары болған.

2020 жылдың 5 наурызынан бастап бүгінге дейін Экология, геология және табиғи ресурстар вице-министрі болған.

Мақаланың түпнұсқасы: https://kaz.nur.kz/politics/1931434-serikqali-brekesev-ekologiya-geologiya-zane-tabigi-resurstar-ministri-bolyp-tagaiyndaldy/