RU

Шолпан Каринова білім және ғылым бірінші вице-министрі болып тағайындалды

Шолпан Каринова11
Шолпан Каринова. Фото: primeminister.kz

Үкімет қаулысымен Шолпан Таңатқызы Каринова білім және ғылым бірінші вице-министрі қызметіне тағайындалды. Бұл туралы премьер-министрінің баспасөз қызметі хабарлайды.

Шолпан Каринова 1972 жылы Ақмола облысында дүниеге келген.

Шоқан Уәлиханов атындағы Көкшетау педагогикалық институтын, Омбы мемлекеттік педагогикалық университетін бітірген.

Еңбек жолын 1994 жылы ауыл мектебінде мұғалім болып бастаған.

1998-1999 жылдары — орыс тілі мен әдебиеті пәнінің мұғалімі.

1999-2000 жылдары — орыс сыныптарында қазақ тілі пәнінің мұғалімі.

2000-2002 жылдары — директордың оқу-тәрбие жұмысы жөніндегі орынбасары болған.

2002-2003 жылдары Көкшетау медициналық колледжінде оқытушылық және аударма қызметімен айналысқан.

2003-2004 жылдары — СҚО Тайынша ауданы Білім және спорт бөлімінің әдіскері, оқу жұмысы бойынша бөлімше басшысының міндетін атқарушы, 2004-2005 жылдары — СҚО Тайынша ауданы №5 орта мектебінің директоры болған.

2005-2008 жылдары — СҚО Тайынша ауданының білім бөлімінде басшылық лауазымдарды атқарған.

2008-2009 жылдары — СҚО Тайынша қаласы әкімі аппаратының құрылымдық бөлімшесінің басшысы.

2009-2012 жылдары — СҚО білім басқармасы басшысының орынбасары.

2012-2013 жылдары — Петропавл қаласы әкімінің әлеуметтік сала жөніндегі орынбасары.

2013-2017 жылдары — СҚО білім басқармасы басшысының міндетін атқарушы кейін басшысы болған.

2017-2018 жылдары — Мектепке дейінгі және орта білім департаментінің директоры.

2018-2019 жылдары — Астана қаласындағы "Назарбаев зияткерлік мектептері" Педагогикалық шеберлік орталығы директорының орынбасары болды.

2019 жылғы тамыздан бастап қазіргі уақытқа дейін білім және ғылым вице-министрі қызметін атқарды.

Мақаланың түпнұсқасы: https://kaz.nur.kz/politics/1932149-solpan-solpan-karinova-bilim-zane-gylym-birinsi-vice-ministri-bolyp-tagaiyndaldy/