Top.Mail.Ru

Сайт нұсқасы

ru kz

Зектілері

Жанат Элиманов Тоқаевқа қаржы пирамидаларын жабуға қатысты тапсырмасы қалай орындалып жатқанын айтты

Опубликовано:

Қасым-Жомарт Тоқаев пен Жанат Элиманов
Қасым-Жомарт Тоқаев пен Жанат Элиманов. Фото: Ақорда

Мемлекет басшысы Қасым-Жомарт Тоқаев қаржылық мониторинг агенттігінің төрағасы Жанат Элимановты қабылдады деп хабарлайды Ақорданың ресми сайты.

Қасым-Жомарт Тоқаевқа өзара бағалау көрсеткішінің екінші кезеңін ФАТФ халықаралық стандарттарына сәйкестендіруге қатысты Қазақстанның дайындығы жөнінде баяндалды.

Агенттік төрағасы президентке тәуекелдер бойынша жасалған Ұлттық бағалаудың қорытындылары және ФАТФ-тың бірқатар маңызды ұсынымын ұлттық заңнамаға енгізуге мүмкіндік беретін заң жобасы парламенттің қарауында жатқаны туралы айтты.

Президент қылмыстық жолмен түскен табыстарды жылыстатуға және терроризмді қаржыландыруға қарсы іс-қимыл бойынша жүргізіліп жатқан жұмыстарды оң бағалады. Атап айтқанда, қабылданған шаралар кірістерді жылыстатуға қарсы іс-қимылдардың Basel AML Index индексі бойынша әлемдік рейтингтегі Қазақстанның орнын жақсартты.

Мемлекет басшысына еліміздегі көлеңкелі экономикаға қарсы күрестің қазіргі жағдайы туралы да мәлімет берілді. Сотқа дейінгі тергеп-тексеру жөнінде 490 іс қозғалған, оның 28-і жалған шот-фактура жазып берумен және қылмыстық жол арқылы қолма-қол ақшаға айналдырумен айналысқан тұлғаларға қатысты ұйымдасқан қылмыстық топ құру деректері бойынша жүргізілуде.

Бұдан бөлек, Жанат Элиманов Қасым-Жомарт Тоқаевқа қаржы пирамидаларын жабу жөнінде жүктеген тапсырмасының іске асырылу барысы туралы баяндады. Жыл басынан бері Қаржылық мониторинг агенттігі 15 қаржы пирамидасының қызметін тоқтатып, зардап шеккендерге 2,3 миллиард теңге қайтарылған.

Президент Агенттік басшысына құқық қорғау және басқа да мүдделі органдармен бірлесе отырып, аталған бағыттағы жұмыстарды жандандыруды тапсырды.

Мемлекет басшысы азаматтарды қаржы пирамидаларына тартуға жол бермеу үшін шаралар кешенін қабылдау керек екенін айтты.

Мақаланың түпнұсқасы: https://kaz.nur.kz/politics/1940173-zanat-elimanov-toqaevqa-qarzy-piramidalaryn-zabuga-qatysty-tapsyrmasy-qalai-oryndalyp-zatqanyn-aitty/

pixel