Серік Жарасбаев Мәдениет және спорт вице-министрі болып тағайындалды

Үкімет қаулысымен Серік Маратұлы Жарасбаев Мәдениет және спорт вице-министрі болып тағайындалды, деп хабарлайды премье-министрдің ресми сайты.

Серік Жарасбаев 1984 жылы Солтүстік Қазақстан облысында дүниеге келген. 

М. Қозыбаев атындағы Солтүстік Қазақстан мемлекеттік университетін, Ресей халықаралық олимпиада университетін тәмамдаған. Мамандығы — дене шынықтыру және спорт, мемлекеттік және жергілікті басқару, спорттық әкімшілендіру.

Жарасбаев 2006-2007 жылдары Петропавлдағы балалар-жасөспірімдер спорт мектебінде бокстан жаттықтырушы-оқытушы, нұсқаушы-спортшы;

2007-2010 жылдары Солтүстік Қазақстан облысы Туризм, дене шынықтыру және спорт басқармасының бас маманы, оқу-спорт бөлімінің басшысы;

2011-2012 жылдары Туризм және спорт министрлігінің спорт комитетінің ғылыми-әдістемелік қамтамасыз ету, инновациялық технологиялар және білім басқармасының сарапшысы, бас сарапшысы, СҚО Туризм, дене шынықтыру басқармасы басшысының орынбасары;

2012-2014 жылдары Спорт және дене шынықтыру істері агенттігінің жоғары жетістіктер спорты және спорт резерві департаментінің жазғы спорт түрлері басқармасының басшысы, Спорт және дене шынықтыру істері агенттігінің жоғары жетістіктер спорты және спорт резерві департаментінің директоры;

2014-2018 жылдары МСМ Спорт және дене шынықтыру істері комитеті төрағасының орынбасары;

2018-2019 жылдары МСМ Спорт және дене шынықтыру істері комитетінің төрағасы;

2019-2021 жылдары МСМ Спорт және дене шынықтыру істері комитеті төрағасының орынбасары болған.

2021 жылғы сәуірден бастап бүгінге дейін "Қазақстандық керлинг, едендік керлинг және петанга федерациясы" РҚБ бірінші вице-президенті қызметін атқарған.