Тәуелсіздіктің 30 жылдығы қарсаңында Шымкентте «Ten qogam» әлеуметтік қолдау орталығы ашылды

Опубликовано:

Ten Qogam Шымкент
Фото: Шымкент қаласы әкімдігінің баспасөз қызметі

Шымкент қаласында тәуелсіздіктің 30 жылдығы қарсаңында мүмкіндігі шектеулі азаматтардың қала өміріне белсене араласуына мүмкіндік жасау және оларға көрсетілетін қызмет түрлерін қолжетімді ету мақсатында «Ten qogam» әлеуметтік қолдау орталығы ашылды.

Бұл орталық 2021-2025 жылдарға арналған Nur Otan партиясының «Өзгерістер жолы: баршаға лайықты өмір!» сайлауалды бағдарламасы аясында іске асырылуда.

Ten Qogam Шымкент
Фото: Шымкент қаласы әкімдігінің баспасөз қызметі

Жаңа орталықтың ашылуына қатысқан Шымкент қаласының әкімі Мұрат Әйтенов мүмкіндігі шектеулі азаматтар өздерін қоғамның толыққанды мүшесі екенін сезінулері керек екенін айтты.

Ten Qogam Шымкент
Фото: Шымкент қаласы әкімдігінің баспасөз қызметі
«Мемлекет басшысы әрдайым мүмкіндігі шектеулі азаматтарға көрсетілетін қолдаулар мен әлеуметтік көмекті жіті назарда ұстайды. Азаматтарға қолайлы жағдай, жайлы орта құру немесе өз мүмкіндіктерін жүзеге асыруға мемлекет тарапынан тиісті қадамдар жасалып келеді. Қазір Шымкент қаласында 36 мыңнан астам мүмкіндігі шектеулі жан өмір сүруде. Біз әлеуметтік жәрдемақыларды уақытылы төлеумен ғана шектелмей, оларға өздерін қоғамның толыққанды мүшесі екенін сезіндіруміз қажет. Бұл ретте мүгедектерді оңалту мен оларды қоғамға кіріктіру міндеттерін сапалы жүзеге асырудың маңызы зор»,- деді қала басшысы.
Ten Qogam Шымкент
Фото: Шымкент қаласы әкімдігінің баспасөз қызметі

Ж. Аймауытов көшесі, 130 үй мекен – жайында орналасқан «Ten qogam» әлеуметтік қолдау орталығы «Бір терезе» қағидасымен 5 бағытта қызмет түрлерін ұсынады.

Орталық ерекше қажеттіліктері бар адамдарды жұмысқа орналастыруға баса назар аударатын болады.

Ten Qogam Шымкент
Фото: Шымкент қаласы әкімдігінің баспасөз қызметі

Бұдан бөлек әлеуметтік қызмет порталдарын ешкімнің көмегінсіз қолдануды үйретпек. Мамандардың айтуынша, орталықта заң бағытында сондай-ақ, әлеуметтік, психологиялық, тұрмыстық мәселелер бойынша кеңес беріледі.

Ten Qogam Шымкент
Фото: Шымкент қаласы әкімдігінің баспасөз қызметі

Айта кетейік, ағымдағы жылы мүмкіндігі шектеулі азаматтарды қолдау үшін бюджеттен – 3,7 млрд теңге қаржы бөлінді. Одан бөлек, 8 үкіметтік емес ұйымдар арқылы 2 мыңнан астам мүмкіндігі шектеулі азамат арнаулы әлеуметтік шаралармен қамтылды.

Мақаланың түпнұсқасы: https://kaz.nur.kz/politics/1946614-tauelsizdiktin-30-zyldygy-qarsanynda-symkentte-ten-qogam-aleumettik-qoldau-ortalygy-asyldy/