Нұрсерік Шәріпов Жоғарғы cоттың судьясы болып сайланды

Сенат депутаттары Нұрсерік Шәріповтi Жоғарғы соттың судьясы қызметіне конкурстан тыс тәртіппен сайлады, деп хабарлайды KAZ.NUR.KZ.

Конститутциялық заңнама, сот жүйесі және құқық қорғау органдары комитетінің төрағасы Владимир Волков парламент сенатының Конституциялық заңнама, сот жүйесі және құқық қорғау органдары комитеті президенттің Нұрсерік Кәрімұлы Шәріповті Жоғарғы соттың судьясы қызметіне сайлау туралы ұсынысын қарағанын айтты.

"Қазақстан Республикасы Жоғары сот кеңесінің Нұрсерік Кәрімұлы Шәріповті Қазақстан Республикасы Жоғарғы сотының судьясы қызметіне сайлау туралы ұсынымына негізделген Қазақстан Республикасы президентінің ұсынуы сенатқа Конституцияның 55-бабының 1) тармақшасына, 82-бабының 1-тармағына және "Қазақстан Республикасының сот жүйесі мен судьяларының мәртебесі туралы" Конституциялық заңның 31-бабының 1-тармағына сәйкес енгізілді, - деді ол.