Бүгін президент еліміздің жаңа премьер-министрінің кандидатурасын ұсынады

Бүгін, 11 қаңтарда сағат 11:15-те мемлекет басшысы Қасым-Жомарт Тоқаев парламент мәжілісінің отырысына қатысады. Бұл туралы президенттің баспасөз хатшысы Берік Уәли Facebook парақшасында хабарлады.

"Бүгін сағат 11.15-те мемлекет басшысы Қасым-Жомарт Тоқаев бейнебайланыс арқылы парламент мәжілісінің отырысына қатысып, еліміздің жаңа премьер-министрінің кандидатурасын ұсынатын болады.

Сондай-ақ, президент саяси және әлеуметтік-экономикалық салалардағы өзекті мәселелерді шешу бойынша ауқымды баяндама жасайды", - деп жазды Уәли.

Жиын "Хабар 24" телеарнасы арқылы тікелей эфирде көрсетіледі.