Денсаулық сақтау министрі лауазымына Ажар Ғиният келді

Опубликовано:

Тағайындау
Фото: primeminister.kz

Мемлекет басшысы Қасым-Жомарт Тоқаев жаңа денсаулық сақтау министрін тағайындады. Бұл қызметке Ажар Ғиният келді, деп хабарлайды Ақорда.

Тиісті жарлыққа мемлекет басшысы Қасым-Жомарт Тоқаев қол қойды.

Айта кетейік, Ажар Ғиният 1969 жылы Батыс Қазақстан облысында дүниеге келген.

1992 жылы Ақтөбе мемлекеттік медицина институтын "дәрігер-педиатр" мамандығы бойынша, 2007 жылы Ш. Есенов атындағы Ақтау мемлекеттік университетін "мемлекеттік және жергілікті басқару менеджері" мамандығы бойынша, 2015 жылы Алматы менеджмент университетін "МВА іскерлік әкімшілендіру магистрі" мамандығы бойынша тәмамдаған.

Еңбек жолын 1993 жылы Атырау қаласының №2 қалалық емханасында учаскелік педиатр болып бастаған.

1994 жылдан 1999 жылға дейін — Ақтау қаласының №1 медициналық санитарлық бөлімінің меңгерушісі.

1999-2001 жылдары — Маңғыстау жұқпалы аурулар ауруханасының бас дәрігерінің емдеу ісі жөніндегі орынбасары.

2001-2005 жылдары — Маңғыстау облысының Денсаулық сақтау басқармасы басшысының орынбасары.

2005-2006 жылдары — Маңғыстау облысы денсаулық сақтау департаментінің директоры.

2008-2017 жылдары — Денсаулық сақтау министрлігінің басқарма басшысы, департамент директоры.

2017-2020 жылдары — Қазақстан президенті іс басқармасының медицина орталығы басшысының орынбасары.

2020 жылдың маусым айынан қазіргі уақытқа дейін денсаулық сақтау министрінің орынбасары қызметін атқарды.

Мақаланың түпнұсқасы: https://kaz.nur.kz/politics/1950581-densaulyq-saqtau-ministri-tagaiyndaldy/

jitsu gif