Смайыловтың бірінші орынбасары болып кімнің тағайындалғаны белгілі болды

Роман Скляр үкімет басшысы Әлихан Смайыловтың бірінші орынбасары қызметіне тағайындалды. Тиісті шешімді мемлекет басшысы Қасым-Жомарт Тоқаев шығарды, деп хабарлайды Ақорда.

"Роман Васильевич Скляр Қазақстан Республикасы премьер-министрінің бірінші орынбасары қызметіне тағайындалсын", - делінген хабарламада.

Роман Скляр 1971 жылғы 8 мамырда Павлодар қаласында дүниеге келген.

Павлодар мемлекеттік университетін «Инженер-құрылысшы» мамандығы бойынша, сондай-ақ Мәскеу қазіргі заман бизнес институтын «Экономист» мамандығы бойынша және Қазақ құқықтану және халықаралық қатынастар институтын «Заңгер» мамандығы бойынша бітірген.

Еңбек жолын 1989 жылы «Экибастузуглеавтоматика» монтаждау-жөндеу басқармасында слесарь-монтажшы қызметінен бастаған.

1989–1990 жж. «Казпромтехмонтаж» шаруашылық-монтаждау басқармасының монтаждаушысы болды.

1990 ж. бастап «Вахинвест» бірлескен кеңес-батыс-герман кәсіпорнының қауіпсіздік жөніндегі инженері, Павлодар қ.

1990–1999 жж. «Ансат-Павлодар» ЖШС коммерциялық бөлімінің бастығы, директордың орынбасары, бас директор қызметтерін атқарды. 

1999–2002 жж. «Тыныс» ЖШС директоры, Павлодар қ.

2002–2003 жж. Қазақстан Республикасы Қаржы министрлігінің дәрменсіз қарызгерлермен жұмыс комитеті Павлодар облысы бойынша басқармасының бөлім бастығы.

2003–2005 жж. Павлодар қаласы мемлекеттік сатып алу басқармасының бастығы.

2005ж. қантардан бастап Павлодар облысы әкімінің бас инспекторы.

2005 ж. сәуірден бастап Павлодар облысының әкімі Аппаратының басшысы.  

2006 ж. бастап Павлодар қаласы әкімінің орынбасары.

2006–2007 жж. Астана қаласының әкімі аппаратының инфрақұрылымды дамыту бөлімінің меңгерушісі.

2007–2008 жж. Астана қаласының Энергетика және коммуналдық шаруашылық департаментінің директоры.

2008–2010 жж. Павлодар облысы әкімінің орынбасары.

2010–2011 жж. Павлодар облысы әкімінің бірінші орынбасары.

2011–2013 жж. Қазақстан Республикасының Көлік және коммуникация вице-министрі.

2014–2016 жж. «Қазақстан Темір Жолы» АҚ вице-президенті.  

2016 ж. Қазақстан Республикасы Мәжілісінің депутаты, ҚР Парламенті Мәжілісінің Экономикалық реформа және өңірлік даму комитетінің төрағасы.

2016 ж. мамырдан бастап Қазақстан Республикасының Ұлттық экономика вице-министрі.

2016–2019 жж. — инвестициялар және даму бірінші вице-министрі. 2019 жылғы ақпаннан бастап Қазақстан Республикасының индустрия және инфрақұрылымдық даму министрі.

2019 жылғы 18 қыркүйектен бастап ҚР Президентінің Жарлығымен ҚР Премьер-Министрінің орынбасары болып тағайындалды. 

2021 жылы 18 қаңтарда ҚР Президентінің Жарлығымен осы қызметіне қайта тағайындалды.

Айта кетейік, бүгін жаңа премьердің төрт орынбасары тағайындалды.

Олар:

• Роман Скляр – премьер-министрдің бірінші орынбасары;
• Ералы Тоғжанов – премьер-министрдің орынбасары;
• Мұхтар Тілеуберді – премьер-министрдің орынбасары – сыртқы істер министрі;
• Бақыт Сұлтанов – премьер-министрдің орынбасары – сауда және интеграция министрі.

Скляр, Тоғжанов және Тілеуберді үкімет отставкаға кеткенге дейін де вице-премьер қызметін атқарған болатын. Олардың қатарына енді Бақыт Сұлтанов қосылды. Ол бұған дейін тек сауда және интеграция министрлігін басқарды.