Ерлан Қиясов Қазақстанның бас санитарлық дәрігері қызметінен босатылды
Опубликовано:
Ерлан Қиясов Денсаулық сақтау вице-министрі және Қазақстанның бас мемлекеттік санитарлық дәрігері қызметінен босатылды, деп хабарлайды KAZ.NUR.KZ тілшісі премьер-министрдің ресми сайтына сілтеме жасап.
Ведомствоның мәліметінше, үкімет қаулысымен Қиясов Ерлан Аңсағанұлы берген өтінішіне сәйкес Денсаулық сақтау вице-министрі және еліміздің бас мемлекеттік санитарлық дәрігері қызметінен босатылған.
Ерлан Қиясов 1973 жылы Алматы облысында дүниеге келген.
Қазақ мемлекеттік медицина университетін, Орталық Азия университетін, әл-Фараби атындағы Қазақ ұлттық университетін, Тұран-Астана университетін тәмамдаған.
Еңбек жолын 1990 жылы "Алматы қаласының Жедел медициналық жәрдем ауруханасы" реанимация және қарқынды терапия бөлімшесінің санитары болып бастаған.
1997-1999 жылдары Алматы қаласындағы Әуе көлігіндегі орталық санитарлық-эпидемиологиялық станциясының санитарлық дәрігері, дәрігер-эпидемиологы болған.
1999 жылдан бастап 2020 жылға дейін Қазақстан президенті Іс басқармасының медициналық орталығының құрылымында, санитарлық-эпидемиологиялық станцияда жалпы гигиена бойынша санитарлық дәрігер, жедел бөлім меңгерушісі, санитарлық-эпидемиологиялық қадағалау басқармасының эпидемиологиялық бөлімінің бастығы, "Санитарлық-эпидемиологиялық сараптама орталығы" РМК директоры, басшының орынбасары қызметін атқарған.
2020 жылдың қыркүйегінде Денсаулық сақтау вице-министрі және Қазақстанның бас мемлекеттік санитарлық дәрігері болып тағайындалды.
Мақаланың түпнұсқасы: https://kaz.nur.kz/politics/1953231-erlan-qiyasov-qazaqstannyn-bas-sanitarlyq-darigeri-qyzmetinen-bosatyldy/
