Қасым-Жомарт Тоқаев Қазан қаласына ұшып барды (фото)

Мемлекет басшысы Қасым-Жомарт Тоқаев Қазан қаласына барды, деп хабарлайды KAZ.NUR.KZ тілшісі Берік Уәлидің Facebook әлеуметтік желісіндегі парақшасына сілтеме жасап.

"Мемлекет басшысы Қазан қаласына келді. Татарстан астанасының халықаралық әуежайында президент Қасым-Жомарт Тоқаевты республика басшысы Рустам Минниханов қарсы алды.

Жұмыс сапары барысында Қасым-Жомарт Тоқаев Қазан Кремлінің көрікті жерлерін аралап көреді және Татарстан президентімен кездесу өткізеді.

Сонымен қатар республиканың өзге қалаларында орналасқан "Камаз" және "Танеко" сияқты ірі кәсіпорындарының жұмысымен танысады", - деді мемлекет басшысының баспасөз хатшысы.

Айта кетейік, бұған дейін Мәскеуге жұмыс сапарымен барған Қасым-Жомарт Тоқаевтың Ресей президенті Владимир Путинмен келіссөз жүргізгенін жазған едік.