Рамзан Қадыровтың 19 жастағы қызы лауазымды қызметке тағайындалды

Опубликовано:

Рамзан Қадыров пен қызы Хутмат Қадырова
Рамзан Қадыров пен қызы Хутмат Қадырова. Фото: grozny-inform.ru

Шешенстан басшысы Рамзан Қадыровтың 19 жастағы қызы Хутмат жоғары лауазымды қызметке ие болды, деп хабарлайды РИА Новости.

Басылымның мәліметінше, Шешенстанның ұлттық саясат, сыртқы байланыстар, баспасөз және ақпарат министрі Ахмед Дудаев әлеуметтік желіде Қадыровтың қызының лауазымды қызметке тағайындалғанын хабарлады.

"Шешенстан Республикасы тұңғыш президентінің немересі Хутмат Қадырованы Шешенстан Республикасы басшысының хатшылығы жетекшісінің орынбасары қызметіне тағайындалуымен шын жүректен құттықтаймын.

Ол бірнеше рет әртүрлі салаларда жоғары жетістіктерді көрсетті. Хафиз деген биік атақтың иесі бола отырып, ол өзін нағыз мұсылман, шешен халқының нағыз қызы екенін дәлелдеді.

Хутмат Рамзанқызы өзіне сеніп тапсырылған қызметті абыроймен атқарып, республика игілігі үшін қызмет ететініне күмәнім жоқ", - деді Дудаев.

Мақаланың түпнұсқасы: https://kaz.nur.kz/politics/1956971-ramazan-qadyrovtyn-19-zastagy-qyzy-lauazymdy-qyzmetke-tagaiyndaldy/