Әсет Масабаев Талдықорған қаласының әкімі болып тағайындалды
Опубликовано:
Әсет Масабаев Талдықорған әкімі болып тағайындалды. Ақпаратты Алматы облысының әкімдігі растады, деп хабарлайды KAZ.NUR.KZ тілшісі.
Осыған дейін ол Алматы қаласы Медеу ауданының әкімі қызметін атқарған. Оңтүстік астана әкімдігінің ресми сайтындағы ақпаратқа сәйкес, Әсет Масабаев 1985 жылы 27 сәуір күні дүниеге келген.
Ол - Алматыдағы Энергетика және байланыс институтының, Экономика және құқық Академиясының, Мәскеу қаласындағы ресейлік Халықтар достығы университетінің түлегі.
Еңбек жолын 2007 жылы "Алматы электр станциясында" электромонтер болып бастаған.
2008 жылдан 2010 жылдары "Наз" ЖШС-де бас энергетик, "Алмаз және КЮС" ЖШС-де техникалық директор болып жұмыс істеген.
2010 жылдан 2013 жылға дейін Алматы қаласы Энергетика және коммуналдық шаруашылық басқармасында жетекші маманның міндетін атқарушыдан энергия, жылумен қамту бөлімінің бастығына дейінгі жолдардан өткен.
Әр жылдары Жетісу және Медеу аудандары әкімдерінің орынбасары, Алматы қаласы әкімінің бас инспекторы, қаланың Табиғи ресурстар және табиғатты пайдалану басқармасының, Энерготиімділік және инфрақұрылымдық даму басқармасының басшысы болған.
2019 жылдың сәуір айынан бастап Алматы қаласының Энерготиімділік және инфрақұрылымдық даму басқармасының басшысы қызметін атқарған.
Мақаланың түпнұсқасы: https://kaz.nur.kz/politics/1959348-aset-masabaev-taldyqorgan-qalasynyn-akimi-bolyp-tagaiyndaldy/
