Қымбат көліктер мен элиталық пәтерлер: Мәсімов ісі бойынша тергеудің кей нәтижелері жария болды (фото)

Опубликовано:

Кәрім Мәсімов ісі. Тәркіленген үй
Фото: ҰҚК сайты

Ұлттық қауіпсіздік комитеті мемлекетке опасыздық жасау, билікті күшпен басып алу және лауазымдық міндеттерін асыра пайдалану күдігі бойынша Кәрім Мәсімов пен басқа да адамдарға қатысты қылмыстық істі жалғастырып жатыр, деп хабарлайды комитет сайты.

Сонымен қатар, тергеу барысында Кәрім Мәсімовтің іс-әрекетінде көптеген сыбайлас жемқорлық белгілері анықталды.

Кәрім Мәсімов ісі. Тәркіленген мүлік
Фото: ҰҚК сайты

Отандық бизнес қауымдастықтары мен шетелдік субъект өкілдерінен жылжымайтын мүлік, қымбат сыйлықтар, соның ішінде мәдени құндылықтар, елеулі мөлшерде ақшалай қаражат алу фактілері әшкере болып отыр.

Кәрім Мәсімов ісі. Тәркіленген сағат
Фото: ҰҚК сайты

Атап айтқанда, Мәсімовтің ҰҚК төрағасы қызметін атқарып жүргенде жабық келісімшарттардың бірімен шетелдік мемлекет өкілдерінен 2 млн АҚШ доллары сомасында пара алу фактісі бойынша тергеу жүргізілуде.  

Осы қаражатты Гонконгтан Қазақстан Ұлттық банкіне қайтару қамтамасыз етілді.  

Кәрім Мәсімов ісі. Тәркіленген үй
Фото: ҰҚК сайты

Сонымен қатар, Мәсімовтің премьер-министр қызметін атқарып жүргенде бизнес-құрылымның бірінен астанадан құны 2,5 млрд теңге элиталық тұрғын үй мен жер телімін алу фактісі бойынша тергеу жүргізілуде.

Кәрім Мәсімов ісі. Тәркіленген көлік
Фото: ҰҚК сайты

2022 жылғы қаңтарда Мәсімовті ұстағаннан кейін осы тұрғын үйде 17,2 млн АҚШ доллары мөлшерінде қолма-қол ақша, сондай-ақ көптеген құнды зат – элиталық сағаттар, алтын кесектері, антиквариат және басқалары тәркіленді.

Кәрім Мәсімов ісі. Тәркіленген қаражат
Фото: ҰҚК сайты

Бұдан басқа, бизнес санаттағы 11 қымбат көлік тәркіленді.

ҰҚК сайты
Фото: Кәрім Мәсімов ісі. Тәркіленген көлік

Мүліктеріне – Нұр-Сұлтан қаласындағы екі элиталық пәтер, Алматы қаласынан 2 пәтер мен дербес сарай, сондай-ақ Щучье-Бурабай шипажайы аймағы көлінің жағасындағы аумағы 1 га жер теліміне тыйым салынды.

Кәрім Мәсімов ісі. Тәркіленген мүлік
Фото: ҰҚК сайты

Сондай-ақ, Мәсімовпен жақын байланыста болған адамдардан 5,1 млн АҚШ доллары тәркіленген.

Кәрім Мәсімов ісі. Тәркіленген үйдегі бассейн
Фото: ҰҚК сайты

Сондай-ақ Кәрім Мәсімов пен оның айналасындағылар шетел банктеріне заңсыз шығарған аса ірі мөлшердегі ақшалай қаражатты іздестіру, бұғаттау және Қазақстанға қайтару бойынша жұмыс ұйымдастырылды.

Барлық көрсетілген факті бойынша қарқынды жедел-тергеу іс-шаралары жүргізілуде.

Мақаланың түпнұсқасы: https://kaz.nur.kz/politics/1960061-uqk-masimov-toraga-bolgan-uaqytta-2-mln-dollar-somasynda-para-algan/