Данияр Қадыров ақпарат және қоғамдық даму вице-министрі болып тағайындалды

Үкімет қаулысымен Данияр Рамазанұлы Қадыров ақпарат және қоғамдық даму вице-министрі қызметіне тағайындалды. Бұл туралы премьер-министрдің баспасөз қызметі хабарлайды.

Одан бөлек, үкімет басшысының баспасөз қызметі білім және ғылым вице-министрі қызметін атқарған Бибігүл Амангелдіқызы Асылова берген өтінішіне сәйкес қызметінен босатылғанын атап өтті.

Ал бұл лауазымға тағайындалған Данияр Қадыровқа келсек, ол 1975 жылы Алматы қаласында дүниеге келген.

Әл-Фараби атындағы Қазақ мемлекеттік ұлттық университетін бітірген. 

Еңбек жолын 1999 жылы Мәдениет министрлігінің Бұқаралық ақпарат құралдары департаментінің жетекші маманы қызметінен бастаған.

2000-2004 жылдары - Мәдениет министрлігінің құрылымында түрлі лауазымдар атқарған.

2004-2005 жылдары - БҒМ Жастар саясаты департаменті директорының орынбасары; жастар және әлеуметтік бағдарламалар басқармасының басшысы;

2005-2007 жылдары - Степногорск қаласы әкімінің орынбасары;

2007 жылы Президент әкімшілігінің Мемлекеттік бақылау және ұйымдастыру жұмысы бөлімінің сектор меңгерушісі;

2007-2013 жылдары - Қазақстанның Моңғолиядағы елшілігінің кеңесші-уәкілі;

2013-2015 жылдары - Түрікменстандағы елшілігінің кеңесші-уәкілі;

2015-2019 жылдары - "ҚР телерадио хабарларын тарату операторларының қауымдастығы" ЗТБ атқарушы директоры қызметтерін атқарған.

2019 жылдан бастап қазірге дейін Президент әкімшілігінің Өтініштерді қарауды бақылау бөлімі меңгерушісінің орынбасары болған.