Макрон Украинадағы соғыс туралы Зеленский және Байденмен сөйлесті
Опубликовано:
Кеше, 13 наурызда Франция президенті Эммануэль Макрон мен Джо Байден телефон арқылы сөйлесіп, Ресейге қарсы санкцияларды күшейтуге келісті, деп жазады Елисей сарайының сайты.
Сондай-ақ, екі ел басшылары Украинадағы әскери әрекеттерді тоқтату үшін бірлескен іс-қимыл жасау туралы шешімге келді.
Бұл ақпаратты Ақ үй ресми түрде растап отыр.
"Президент Джозеф Р. Байден бүгін Франция президенті Эммануэль Макронмен Ресейдің Украинаға қарсы соғысын талқылау үшін сөйлесті", - делінген хабарламада.
Макрон Байденге БАҚ өкілі Бренд Реноның қаза табуына байланысты көңіл айтты.
Сонымен қатар, кеше Франция басшысы Украина президенті Владимир Зеленскиймен де сөйлесті.
"Ол (Макрон - ред.) өзінің толық қолдауын білдірді және Еуроодақ Версаль саммитінде қабылданған қосымша көмек туралы оған (Зеленскийге - ред.) айтып берді", - делінген хабарламада.
Мақаланың түпнұсқасы: https://kaz.nur.kz/politics/1960524-makron-ukrainadagy-sogys-turaly-zelenskii-zane-baidenmen-soilesti/