Қостанай қаласына жаңа әкім тағайындалды
Опубликовано:
Марат Жүндібаев Қостанай қаласының жаңа әкімі болып тағайындалды, деп хабарлайды облыстық әкімдіктің ресми сайты.
"Қостанай қаласы мәслихаты депутаттарының келісімі бойынша және облыс әкімі Архимед Мұхамбетовтің өкімімен Жүндібаев Марат Қонысбайұлы Қостанай қаласының әкімі болып тағайындалды", - делінген ведомство хабарламасында.
Ал осыған дейін қала басшысы болған Қайрат Ахметов берген өтінішіне сәйкес өз қалауы бойынша қызметінен босатылған. Архимед Мұхамбетов Қайрат Ахметовке атқарған жұмысы үшін алғыс айтқан.
Қаланың жаңа әкімі Марат Жүндібаевқа келсек, ол Қостанай ауданы Новоселов ауылының тумасы, үш жоғары білімі бар.
20 жылдан астам Қостанай облысының жергілікті атқарушы органдарының құрылымдарында әртүрлі лауазымдарда жұмыс істеген.
Соның ішінде облыс әкімінің орынбасары болды, сондай-ақ Президент әкімшілігінің мемлекеттік инспекторы болған.
Мақаланың түпнұсқасы: https://kaz.nur.kz/politics/1961900-qostanai-qalasyna-zana-akim-tagaiyndaldy/
