Сыбайлас жемқорлыққа қарсы іс-қимыл агенттігінің 7 облыстағы департаментінің басшысы ауысты

Сыбайлас жемқорлыққа қарсы іс-қимыл агенттігінің 7 облыстағы департаментінің басшысы ауысты. Сондай-ақ тағы екі департаментке жаңа басшы тағайындалды. Бұл туралы ведомство Telegram-дағы арнасында хабарлады.

Ведомствоның мәліметінше, президент жанындағы Құқық қорғау органдарындағы кадр саясаты мәселелері жөніндегі комиссиясының ұсынымына сәйкес, агенттік төрағасының 2022 жылғы 14 сәуірдегі бұйрығымен:

• Сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша департаментінің басшысы болып Мұрат Қарымсақов;
• Алматы қаласы бойынша департаментінің басшысы болып Асхат Оразхан;
• Қарағанды облысы бойынша департаментінің басшысы болып Мұрат Төлеубаев;
• Атырау облысы бойынша департаментінің басшысы болып Ерлан Досанов;
• Шығыс Қазақстан облысы бойынша департаментінің басшысы болып Денис Шакенов;
• Жамбыл облысы бойынша департаментінің басшысы болып Болат Жылқыбаев;
• Маңғыстау облысы бойынша департаментінің басшысы болып Әділхан Әшірбаев тағайындалды.

Сонымен қатар агенттіктің Өзіндік қауіпсіздік департаментінің басшысы болып Мұрат Урумханов және Превенция қызметінің басшысы болып Мұрат Ахметов тағайындалған.