Top.Mail.Ru

Сайт нұсқасы

ru kz

Зектілері

Қазақстанда президенттің жақын туыстары қандай лауазымдарды иелене алмайды

Опубликовано:

Тоқаев
Фото: Ақорда

Әділет министрі орталық коммуникациялар қызметінде өткен брифингте президенттің жақын туыстарына мемлекеттік және квазимемлекеттік құрылымдарда басшылық лауазымдарын атқаруға конституциялық деңгейде тыйым салынғанын түсіндірді, деп хабарлайды KAZ.NUR.KZ тілшісі.

Қанат Мусиннің сөзінше, Қасым-Жомарт Тоқаев өзінің соңғы жолдауында президентке жақын адамдарды кадрлық іріктеу мәселесін бөлек атап өтті.

"Қасым-Жомарт Тоқаев мемлекет басшысының жақын туыстарының мемлекеттік және квазимемлекеттік құрылымдарда басшы лауазымдарға орналасуына Конституциялық деңгейде тыйым салу жөнінде ұсыныс жариялады", - деді ол.

Әділет министрі осы орайда заңнамаға сәйкес президенттің жақын туыстарының қатарына кімдер кіретіні және олардың қандай лауазымдарды атқара алмайтыны туралы сұрақтарға толығырақ тоқталды.

"Заңнамада жақын туыстарға ата-аналар, балалар, асырап алушылар, асырап алынғандар, ата-анасы бір және ата-анасы бөлек аға-інілері мен апа-сіңлілері, атасы, әжесі, немерелері жатады. Сондай-ақ сыбайлас жемқорлыққа қарсы іс-қимыл туралы заңнама да жекжаттар, яғни ерлі-зайыптылардың жақын туыстары үшін шектеулер белгілейді. Өз кезегінде, мемлекет басшысының жарлығымен саяси және әкімшілік мемлекеттік қызметшілер лауазымдарының тізілімі айқындалып, оларға министрлер, олардың орынбасарлары, әкімдер, мемлекеттік органдардың басшылары және басқалар жатқызылған", - деді Қанат Мусин.

Әділет министрі квазимемлекеттік секторға мемлекет қатысушы болып есептелетін ұйымдар жататынын алға тартты.

Осылайша, заңнамалық деңгейде тиісті тыйымдар белгіленгеннен кейін, мәселен, президенттің ағасы, әпкесі, балалары "Самұрық-Қазына" немесе "Бәйтерек" сияқты ұлттық компанияларда басшылық қызметке орналаса алмайды.

Мақаланың түпнұсқасы: https://kaz.nur.kz/politics/1965533-qazaqstanda-prezidenttin-zaqyn-tuystary-qandai-lauazymdardy-atqara-almaidy/