Top.Mail.Ru

Сайт нұсқасы

ru kz

Зектілері

Бүгін Қасым-Жомарт Тоқаев 69 жасқа толды

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Бүгін, 17 мамыр мемлекет басшысы Қасым-Жомарт Тоқаевтың туған күні. Биыл ел президенті 69 жасқа толып отыр, деп жазады KAZ.NUR.KZ тілшісі.

Қасым-Жомарт Тоқаев 1953 жылы Алматыда өмірге келген. Оның әкесі - белгілі жазушы Кемел Тоқаев, ал анасы - мұғалім Тұрар Шабарбаева.

1970 жылы ол Алматыдағы № 25 орта мектепті бітіріп, Мәскеу мемлекеттік халықаралық қатынастар институтына оқуға түсті. 1992 жылы РФ СІМ Дипломатиялық академиясын тәмамдады.

Қазақстанның болашақ президенті еңбек жолын 1975 жылы КСРО Сыртқы істер министрлігінде кезекші көмекшісі болып бастады.

Әр жылдары ол КСРО Сыртқы істер министрлігінде хатшы болып қызмет етті.

1992 жылы Қазақстан Сыртқы істер министрінің орынбасары болды. Ал бір жылдан кейін осы ведомствоның басшысы болып қызмет атқарды.

1999 жылы наурыз айында премьер-министрдің орынбасары, сол жылдың қазан айында еліміздің премьер-министрі болып тағайындалды.

2002 жылы қаңтар айында отставкаға өтініш беріп, артынша мемлекеттік хатшы әрі Сыртқы істер министрі болып тағайындалды. Бұл қызметте ол 2007 жылдың қаңтарына дейін жұмыс істеді.

2007 жылы парламент сенатының төрағасы болып сайланды.

2011 жылғы наурыз айында БҰҰ бас хатшысының орынбасары, БҰҰ-ның Женевадағы бөлімшесінің бас директоры және Қарусыздану жөніндегі конференцияда БҰҰ Бас хатшысының жеке өкілі болып тағайындалды.

2013 жылы қазан айында қайтадан парламент сенатының төрағасы болып таңдалды. Тоқаев бұл қызметті 2019 жылға дейін атқарды.

Ал 2019 жылғы 19 наурызда Нұрсұлтан Назарбаев президенттік өкілеттігін тоқтатып, мемлекет басқаруды Қасым-Жомарт Тоқаевқа тапсырды. Сол жылдың 10 маусымында президенттік сайлау өтіп, Тоқаев жеңіске жетті.

Мақаланың түпнұсқасы: https://kaz.nur.kz/politics/1969589-bugin-qasym-zomart-toqaev-69-zasqa-toldy/