Әділет Тойбаев БҒМ Ғылым комитетінің төрағасы болып тағайындалды

Білім және ғылым министрінің бұйрығымен Әділет Жүнісұлы Тойбаев БҒМ Ғылым комитетінің төрағасы болып тағайындалды, деп хабарлайды primeminister.kz.

Әділет Тойбаев 1982 жылы Шығыс Қазақстан облысында дүниеге келген. Әл-Фараби атындағы Қазақ ұлттық университетін тәмамдаған. 

Еңбек жолын 2008 жылы әл-Фараби атындағы ҚазҰУ-да оқытушы болып бастаған.

2008-2009 жылдары әл-Фараби атындағы ҚазҰУ-да әдістемелік бөлімнің меңгерушісі, академиялық мәселелер жөніндегі директоры болды.

2011-2017 жылдары Қазақ мемлекеттік қыздар педагогикалық университетінің оқу-әдістемелік бөлімінің меңгерушісі, оқу ісі жөніндегі проректоры болып қызмет етті.

2017-2018 жылдары Қазақстан инженерлік-технологиялық университетінің бірінші проректоры-академиялық мәселелер жөніндегі проректоры лауазымын атқарды.

2018 жылдан бастап қазірге дейін БҒМ Жоғары және жоғары оқу орнынан кейінгі білім беру департаментінің директоры болып жұмыс істеген.