Тоқаев Мемлекеттік ту көтеру рәсіміне қатысты (фото)

Опубликовано:

Касым-Жомарт Токаев с народом
Касым-Жомарт Токаев. Фото: akorda.kz

Мемлекет басшысы Қасым-Жомарт Тоқаев Мемлекеттік ту көтеру рәсіміне қатысты, деп хабарлайды президенттің баспасөз қызметі Telegram арнасында.

Президент жиынға қатысушыларды Мемлекеттік рәміздер күнімен құттықтап, бұл күннің егемен еліміз үшін айрықша мерейлі әрі маңызды екенін атап өтті. Оның айтуынша, қастерлі Тәуелсіздігіміздің рәміздері қабылданғанына дәл бүгін 30 жыл толып отыр.

"Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы", – деді Қасым-Жомарт Тоқаев.

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Президент еліміздің басты құндылықтарын құрметтеу – бәріміздің перзенттік парызымыз екеніне назар аударып, оған немқұрайлы қарайтындарға, қадір-қасиетін түсіретіндерге біржола тосқауыл қою қажеттігін айтты.

"Мемлекеттік рәміздерді пайдалану тәртібі жөніндегі заңнаманы күшейту маңызды. Сонымен бірге, жастармен жан-жақты түсіндіру жұмысын жүргізген жөн. Бұл – бүкіл қоғамның міндеті. Халқымыз тарихи таңдауын жасайтын сәтте алып байрағымыздың көкте желбіреуін жақсы ырымға балаймыз", – деді мемлекет басшысы.

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Қасым-Жомарт Тоқаев салтанатты жиында сөйлеген сөзінде мемлекеттік рәміздер елдігіміздің жарқын көрінісі, халқымыздың мақтанышы және абыройы екенін атап өтті.

"Көк туымызды салтанатты түрде көтеріп, ата-бабамыздың даңқты дәстүрін жалғастырамыз. Желбіреген туымыз Тәуелсіздік мұраттарына адал болуға шақырып, ерекше жігер береді. Жаһандық экономикада өршіп келе жатқан сын-қатерлер мен бұрын-соңды болмаған геосаяси шиеленіс жағдайында біз мемлекеттілігімізді нығайту үшін күш-қуатымызды еселей түсуіміз керек.

Мемлекеттік рәміздерімізді мазақ етуге, қорлауға ешқашан жол бермеуіміз қажет. Мұндай әрекеттерге барғандарды қатаң жазалаған жөн. Біртұтас халық ретінде ұйыса отырып, біз кез келген қиындықты бірге жеңіп, әділетті, тиімді мемлекет құра аламыз", – деді президент.

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Салтанатты рәсім барысында жоғары әскери оқу орнының 12 үздік түлегі Қазақстан президенті – Қазақстан Республикасының Жоғарғы Бас қолбасшысының қолынан офицер погонын алды.

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Қасым-Жомарт Тоқаев
Фото: t.me/bort_01

Қасым-Жомарт Тоқаев Мемлекеттік ту көтеру рәсіміне қатысты
Фото: t.me/bort_01

Мақаланың түпнұсқасы: https://kaz.nur.kz/politics/1972526-toqaev-memlekettik-tu-koteru-rasimine-qatysty-foto/

jitsu gif