Ұлттық құрылтайда Мұхтар Шахановқа Қазақстанның Еңбек Ері атағы берілді (видео)

Опубликовано:

Шаханов пен Тоқаев
Шаханов пен Тоқаев. Фото: Қазақстан Республикасы президентінің баспасөз қызметі

Мемлекет басшысы Қасым-Жомарт Тоқаев Ұлттық құрылтайда Мұхтар Шахановқа Қазақстанның Еңбек Ері атағын табыс етті, деп хабарлайды KAZ.NUR.KZ тілшісі.

"Қадірлі ағайын, Құрылтайды барша жұртымыз үшін жағымды жаңалықпен аяқтағым келіп отыр. Кеше даңқты композитор Шәмші Қалдаяқовқа "Қазақстанның Еңбек Ері" атағы берілгенін білесіздер.

Ол – Әнұранымыздың авторы, Ұлт руханиятында ерекше орны бар аса көрнекті тұлға. Біртуар сазгерге құрмет көрсету – перзенттік парызымыз.

Шәмшіні халқымыз "Қазақ вальсінің королі" деп қадірлейді. Шәмшінің әндері қашанда халықтың жүрегінде, ешқашан құндылығын жоймайды. Оның ақын Мұхтар Шахановпен бірлесіп жазған әндері елге кеңінен танымал. Әйгілі композитор мен атақты ақынның достығы – барша жұртқа үлгі.

Жақында Шәмшінің іні-досы Мұхтар Шаханов сексен жасқа толады. Оның шығармашылық еңбегі қандай құрметке де лайықты. Ол – өте шыншыл, адал, ұлтжанды адам.

Мен бүгін Мұхтар Шахановқа "Қазақстанның Еңбек Ері" атағын беру туралы Жарлыққа қол қойдым.

Еліміздің ең жоғары марапатын ақынға Ұлт ұясы – Ұлытаудың төрінде тапсырғанды жөн көрдім", - деді Қасым-Жомарт Тоқаев.

Мақаланың түпнұсқасы: https://kaz.nur.kz/politics/1974447-ulttyq-quryltaida-muxtar-saxanovqa-qazaqstannyn-enbek-eri-atagy-berildi-video/

jitsu gif