Тоқаев Жансая Әбдімәлік, Бибісара Асаубаева бастаған қазақстандық шахматшылармен кездесті (фото)
Опубликовано:
![мемлекет басшысы мемлекет басшысы](https://cdn.nur.kz/images/1120x630/632063a2aa762e2c.jpeg)
Мемлекет басшысы Қасым-Жомарт Тоқаев шахматтан Қазақстан әйелдер құрамасының мүшелерімен және шахмат федерациясының өкілдерімен кездесті, деп хабарлайды Ақорда.
Ақордаға президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева, Гүлісхан Нақбаева, халықаралық шебер – Меруерт Камалиденова және Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылған.
Мемлекет басшысы танымал шахматшы қыздарға ілтипат білдіре отырып, бұл ойынға ерекше мән беретінін атап өтті. Сондай-ақ Қазақстанның әйелдер құрамасы алдағы уақытта Үндістанда өтетін Дүниежүзілік шахмат олимпиадасында табысты өнер көрсететініне сенім білдірді.
Президент мектепті "Алтын белгімен" бітірген Бибісара Асаубаеваға табыс тілеп, Гүлісхан Нақбаеваны өткен туған күнімен құттықтады.
![Шахмат Шахмат](https://cdn.nur.kz/images/1120/b7d1c383f3cf9eaf.jpeg)
Әңгімелесу және пікір алмасу форматында өткен кездесуде ұлттық құрама көшбасшылары – Динара Сәдуақасова, Жансая Әбдімәлік, Бибісара Асаубаева және Қазақстан шахмат федерациясының басшылығы сөз сөйледі.
![Жансая Әбдімәлік Жансая Әбдімәлік](https://cdn.nur.kz/images/1120/9f82e4eccc33bb6b.jpeg)
Қасым-Жомарт Тоқаев кездесуде елімізде шахмат спортын дамыту, оның ішінде мемлекет тарапынан жүйелі көмек көрсету, қажетті инфрақұрылыммен қамтамасыз ету және шахматты жеке спорт түрі ретінде насихаттау жөніндегі қатысушылардың ұсыныстарын тыңдады.
![Шахмат Шахмат](https://cdn.nur.kz/images/1120/643fcd1006a9ba74.jpeg)
Президент мектеп бағдарламасына шахматты факультативтік пән ретінде қосу, Алматыда 1500 балаға арналған шахмат пен ақпараттық технологияларды тереңдетіп оқытатын мектеп-интернат салу жөніндегі ұсынысты қолдады.
![Шахмат Шахмат](https://cdn.nur.kz/images/1120/5018e46edb6fb749.jpeg)
Бұдан бөлек мемлекет басшысы кәсіпкерлер тарапынан шахмат спортын дамытуға қолдау көрсетудің маңызды екеніне баса мән берді.
![Ақорда Ақорда](https://cdn.nur.kz/images/1120/3500b60b738a7ec8.jpeg)
Кездесу соңында Қасым-Жомарт Тоқаев шахмат саласын дамытуға бұдан былай да қолдау көрсететінін атап өтіп, жас спортшыларға халықаралық аренада жаңа табыс тіледі.
Мақаланың түпнұсқасы: https://kaz.nur.kz/politics/1975225-toqaev-zansaya-abdimalik-bibisara-asaubaeva-bastagan-qazaqstandyq-saxmatsylarmen-kezdesti-foto/