"Астында болдыңыз ба, үстінде ме": Абаев желіде дау тудырған видеосына қатысты пікір білдірді

Мәдениет және спорт министрі Дәурен Абаев ОКҚ өткен брифингте Бозжыра шатқалына қатысты журналиске берген жауабын түсіндіріп өтті. Видео әлеуметтік желіде резонанс тудырған болатын, деп хабарлайды KAZ.NUR.KZ тілшісі.

Журналистер Дәурен Абаевқа бұл пікірінің қазақстандықтарға жақпай қалғанын жеткізді.

Осы орайда БАҚ өкілдері одан журналиске Мәдениет министрі ретінде берген жауабы қаншалықты орынды екенін сұрады.

"Бұл сөздер осыдан 3-4 апта бұрын айтылған болатын және ол - Бозжыраға қатысты еді. Ол жерге жетудің екі жолы бар. Жауап тек осыған қатысты болды. Мен өзімнің не айтқаныма және қалай айтқаныма ғана жауап беремін, сіздердің қалай қабылдайтындарыңызға жауапты емеспін. Сондықтан, әріптестер, әңгіме Бозжыра туралы болды, мен Бозжыра туралы ғана айттым", - дейді Дәурен Абаев.