Әділбек Сәрсембаев Индустрия және инфрақұрылымдық даму вице-министрі қызметінен босатылды

Үкіметтің қаулысымен Әділбек Зейнуллаұлы Сәрсембаев индустрия және инфрақұрылымдық даму вице-министрі қызметінен босатылды. Бұл туралы премьер-министрдің баспасөз қызметі хабарлады.

Әділбек Сәрсембаев 1978 жылы Целиноград қаласында (қазіргі Нұр-Сұлтан қаласы) дүниеге келген.

Қазақ мемлекеттік заң академиясын "Юриспруденция" мамандығы бойынша бітірген.

Еңбек жолын 1996 жылы ҚМ Салық инспекциясының жеке тұлғалардың кірістеріне салық салу бөлімінің салық инспекторы болып бастады.

2001 жылдан 2006 жылға дейін Астана қаласы әкімінің аппаратында, Көлік және коммуникациялар министрлігінде, Президент Әкімшілігінде түрлі басшылық қызметтер атқарды.

2007 – 2009 жылдары Петропавл қаласы әкімінің бірінші орынбасары, СҚО әкімі аппаратының басшысы болды.

Түрлі жылдары жеке меншік құрылымдарда жұмыс істеді, ұлттық компаниялар мен мемлекеттік мекемелерде басшылық қызметтер атқарды.

2016 – 2020 жылдары Нұр-Сұлтан қаласындағы Алматы ауданының әкімі лауазымында болды.

2020 – 2021 жылдары "Қазақстан инжиниринг" ҰК" АҚ басқарма төрағасы.

2021 жылдың наурызынан бастап Индустрия және инфрақұрылымдық даму вице-министрі болып қызмет етті.