Руслан Баймишев индустрия және инфрақұрылымдық даму вице-министрі қызметінен босатылды

Үкімет қаулысымен Руслан Нұрашұлы Баймишев индустрия және инфрақұрылымдық даму вице-министрі қызметінен босатылды. Бұл туралы премьер-министрдің баспасөз қызметі хабарлайды.

Руслан Баймишев 1980 жылы Алматы қаласында дүниеге келген.

"Фемида" заң академиясын, Қ.И. Сәтпаев атындағы Қазақ ұлттық техникалық университетін тәмамдаған.

2008-2016 жылдары ҚР Индустрия және жаңа технологиялар министрлігі Геология және жер қойнауын пайдалану комитетінің «Қазгеоинформ» республикалық геологиялық ақпарат орталығында түрлі қызметтерді атқарды.

2016-2019 жылдары – ҚР Инвестициялар және даму министрлігі Жер қойнауын пайдалану департаменті директорының м.а., директоры.

2019 жылғы желтоқсаннан қазіргі кезге дейін ҚР индустрия және инфрақұрылымдық даму вице-министрі болды.