Тоқаев Ұжымдық қауіпсіздік кеңесінің кезектен тыс сессиясына қатысты

Опубликовано:

мемлекет басшысы
Фото: Ақорда

Мемлекет басшысы Қасым-Жомарт Тоқаев Ұжымдық қауіпсіздік туралы шарт ұйымы Ұжымдық қауіпсіздік кеңесінің кезектен тыс сессиясына қатысты, деп хабарлайды Ақорда.

Армения Республикасының ұсынысымен өткен отырыс бейнебайланыс режимінде өтті.

Сонымен қатар саммитке Қырғызстан президенті Садыр Жапаров, Ресей президенті Владимир Путин, Тәжікстан премьер-министрі Кохир Расулзода, Армения премьер-министрі Никол Пашинян, Беларусь Қауіпсіздік кеңесінің мемлекеттік хатшысы Александр Вольфович, ҰҚШҰ Бас хатшысының орынбасары Валерий Семериков қатысты.

Мемлекеттер басшылары әзербайжан-армян мемлекеттік шекарасында болған оқиғаларға қатысты Армения премьер-министрінің мәліметін тыңдады.

Қазақстан президенті сессияға қатысушылар алдында сөйлеген сөзінде қақтығысты тек саяси-дипломатиялық жолдармен шешу қажет екенін атап өтті.

Қасым-Жомарт Тоқаев жағдайды тұрақтандыру үшін мүмкін болған барлық шараны қабылдауға, күштік құрылымдарды пайдаланудан бас тартуға, шұғыл түрде келіссөз жүргізуге шақырды.

Мақаланың түпнұсқасы: https://kaz.nur.kz/politics/1987633-toqaev-uzymdyq-qauipsizdik-kenesinin-kezekten-tys-sessiyasyna-qatysty/