Парламент президентті бір мерзімге сайлайтын демократиялық жүйені жақтап дауыс берді

Опубликовано:

Қасым-Жомарт Тоқаев
Қасым-Жомарт Тоқаевтың Қазақстан халқына ант беру сәті: ult.kz

Бүгін сенат пен мәжілістің бірлескен отырысында парламент Конституцияға бір реттік президенттік өкілеттік туралы түзетулерді енгізуді мақұлдады, деп хабарлайды KAZ.NUR.KZ.

Депутаттар түзетуді екінші оқылымда қарауды ұсынды.

Алайда мәжіліс төрағасы Ерлан Қошанов заң жобасын тұтастай қабылдауды ұсынды.

Нәтижесінде депутаттар оның ұсынысын бірауыздан қолдады.

Осылайша, заң жобасы парламентте қабылданды деп саналады.

Құжат мемлекет басшысына қол қоюға жіберілді.

Еске салайық, 1 қыркүйекте президент Қазақстан халқына Жолдауын жолдаған болатын. Тоқаев жолдауда басқалармен қатар президенттің өкілеттігін қайта сайлану құқығынсыз жеті жыл бір мерзіммен шектеуді ұсынған болатын.

"Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ, қайта сайлануға тыйым салынады.
Бұл бастаманың негізі қандай? Бір жағынан, 7 жыл – кез-келген ауқымды бағдарламаны жүзеге асыру үшін жеткілікті кезең. Екінші жағынан, Президент мандатын бір мерзіммен шектеу Мемлекет басшысының жалпыұлттық дамудың стратегиялық міндеттерін шешуге барынша жұмылуын қамтамасыз етеді", - деген болатын Қасым-Жомарт Тоқаев өз жолдауында.

Мақаланың түпнұсқасы: https://kaz.nur.kz/politics/1988139-parlament-bir-rettik-prezidenttik-normany-qabyldady/