Тоқаев Қырғызстан президентіне көңіл айту жеделхатын жолдады
Опубликовано:
Қасым-Жомарт Тоқаев Садыр Жапаровқа қырғыз-тәжік шекарасында болған қайғылы оқиға салдарынан көптеген жауынгер мен бейбіт тұрғындардың қаза табуына байланысты көңіл айтты, деп хабарлайды Ақорда.
Президенттің баспасөз қызметінің хабарлауынша, Қасым-Жомарт Тоқаев Садыр Жапаровқа және қырғыз халқына барша қазақстандықтардың және жеке өзінің атынан қырғыз-тәжік шекарасында болған қайғылы оқиға салдарынан көптеген жауынгер мен бейбіт тұрғындардың қаза табуына байланысты көңіл айту жеделхатын жолдаған.
"Берік достық және тату көршілік қатынастарды сақтау – біздің ортақ әрі маңызды міндетіміз, сондай-ақ өңірдің тұрақтылығы мен қауіпсіздігі, бейбіт өмір құру жолындағы Орталық Азиядағы барша бауырлас халықтың түбегейлі мүддесі. Қазақстан кез келген даулы мәселені тек қана бейбіт жолмен және саяси дипломатиялық әдістермен шешуді жақтайды", – делінген жеделхатта.
Қазақстан президенті қырғыз халқына мықты рух, бейбітшілік және бақ-береке тіледі.
Мақаланың түпнұсқасы: https://kaz.nur.kz/politics/1988562-toqaev-qyrgyzstan-prezidentine-konil-aitu-zedelxatyn-zoldady/