Тоқаев Тәжікстан президентіне қырғыз-тәжік шекарасындағы жағдайға байланысты көңіл айтты

Опубликовано:

Қасым-Жомарт Тоқаев
Фото: Ақорда

Қасым-Жомарт Тоқаев Эмомали Рахмонға және тәжік халқына барша қазақстандықтардың және жеке өзінің атынан тәжік-қырғыз шекарасында болған қайғылы оқиға салдарынан көптеген жауынгер мен бейбіт тұрғындардың қаза табуына байланысты көңіл айтты, деп хабарлайды Ақорда.

"Біз бауырлас және достас мемлекеттердегі бұл қайғылы оқиға бізді қатты алаңдатады. Қазақстан аймақтағы кез келген даулы мәселені тек бейбіт жолмен және саяси дипломатиялық әдістермен шешуді жақтайды", – делінген жеделхатта. 

Қазақстан президенті қаза тапқандардың туыстары мен жақындарына көңіл айтып, зардап шеккендердің тезірек сауығып кетуіне тілектестік білдірді.

Мақаланың түпнұсқасы: https://kaz.nur.kz/politics/1988564-toqaev-tazikstan-prezidentine-qyrgyz-tazik-sekarasyndagy-zagdaiga-bailanysty-konil-aitty/