Смайылов қандай шетелдік компаниялар Қазақстанда жұмыс істеуге ниетті екенін айтты

Премьер-министр Әлихан Смайылов мәжіліс кулуарында Қазақстанға қандай компаниялар көшуді жоспарлап отырғанын айтты. Оның айтуынша, елімізде 56 компания жұмыс істеуге ниет білдірген, деп хабарлайды KAZ.NUR.KZ.

Мәселені журналистер көтерді. Олардың хабарлауынша, бұған дейін президент Ресейден Қазақстанға 50 ірі халықаралық компания қоныс аударғанын айтқан болатын. Осы орайда олар қандай компаниялар туралы сөз болғанын және неліктен олар қазір Қазақстанға кіру не кірмеу туралы ойланып жатқанын сұрады.

Бұған жауап ретінде Әлихан Смайылов қазір көптеген шетелдік компаниялар Ресей Федерациясынан кетіп жатқанын айтты.

"Біз ең ірі шетелдік компаниялардың тізімін жасадық, бұл 300-ден астам компания. Және олармен Қазақстандағы жұмыс мүмкіндіктері туралы ақпараттандыру бойынша тиісті жұмыстар жүргізілді. Бүгінгі таңда олардың 56 компаниясы жұмыс істеуге, өз кеңселерін Қазақстанға көшіруге ниет білдірді. Қазір біз олардың көшу жағдайлары, уақыты мен орны бойынша маңызды жұмыстарды жүргізіп жатырмыз. Бүгінгі таңда кейбір компаниялар оң шешімдер қабылдап, қазір олар өз кеңселерін орналастырды деп айтуға болады", – деп қосты ол.

Оның айтуынша, әңгіме Honeywell, inDriver, Fortescue, Marubeni және т.б. компаниялар туралы болған.

"Бұл санкциялық, антисанкциялық немесе қарсы санкциялық әрекеттің нәтижесінде Ресей Федерациясының экономикасынан шығуға шешім қабылдаған шетелдік компаниялар. Біз өндірістерді және олардың аймақтық кеңселерін ауыстыру туралы айтып отырмыз. Әр жағдайда мұның бәрі осы шетелдік компаниялардың өздері қандай шешімдер қабылдайтынына, олар қандай аумақта орналасатынына, Қазақстан аумағында қандай өндіріс көлеміне ие болғысы келетініне немесе өңірлік кеңсе ашқысы келетініне байланысты", – деп атап өтті министрлер кабинетінің басшысы.

Бұл ретте ол қазақстандық биліктің міндеті – олардың өндірістік қуатын барынша Қазақстан аумағына тарту деп сендірді.

"Ол үшін бізде отандық және шетелдік инвесторлар үшін біздің инвестициялық заңнама шеңберінде әрекет ететін барлық құралдар бар – бұл инвестициялық келісім, белгілі бір салықтық преференциялар, реттеуші преференциялар. Сонымен қатар, әкімдіктер тарапынан инфрақұрылымға қолдау көрсету", – деп түйіндеді Әлихан Смайылов.