Top.Mail.Ru

Сайт нұсқасы

ru kz

Зектілері

Тоқаев Экономикалық ынтымақтастық және даму ұйымының бас хатшысымен кездесті

Опубликовано:

Қасым-Жомарт Тоқаев пен Матиас Корман
Қасым-Жомарт Тоқаев пен Матиас Корман. Фото: Ақорда

Мемлекет басшысы Қасым-Жомарт Тоқаев Францияға жасаған ресми сапары аясында Экономикалық ынтымақтастық және даму ұйымының бас хатшысы Матиас Корманмен кездесу өткізді. Бұл туралы Ақорданың ресми сайты хабарлады.

Францияға ресми сапармен барған президент Қасым-Жомарт Тоқаев Экономикалық ынтымақтастық және даму ұйымының бас хатшысы Матиас Корманмен кездесті.

Екіжақты кездесу барысында мемлекет басшысы Қазақстан мен ЭЫДҰ арасындағы жемісті қарым-қатынас жайын сөз етті.

"Кеше президент Макронмен кездесуде біз екіжақты қарым-қатынасымыздың көптеген аспектісіне қатысты ұстанымдарымызды нақтылап, маңызды құжаттарға қол қойдық. Сонымен қатар, Экономикалық ынтымақтастық және даму ұйымымен өзара байланыс Қазақстан үшін әрқашан басым бағыттың бірі болғанын атап өткім келеді. Сіздің ұйымыңызбен байланысымызды сақтауға ниеттіміз. Сондай-ақ еліміздің экономикалық дамуына қатысты ұйымның ұсыныстары мен кеңестері үшін ризашылығымызды білдіреміз", – деді президент.

Қасым-Жомарт Тоқаев пен Матиас Корман
Қасым-Жомарт Тоқаев пен Матиас Корман. Фото: Ақорда

Ұйыммен ынтымақтастық орнатқалы бері Қазақстан ЭЫДҰ-ның 42 құқықтық құжатына қол қойған, 37 органының жұмысына қатысады және түрлі салалық құжаттың белсенді мүшесі. Сонымен қатар, Қазақстан ЭЫДҰ-ның Еуразия елдерінің бәсекеге қабілетін арттыру, жемқорлықпен күрес және жасыл экономиканы дамыту жөніндегі өңірлік бастамаларына белсенді түрде қолдау көрсетеді.

Мемлекет басшысының айтуынша, Қазақстан Үкіметі мен ЭЫДҰ арасында қол қойылған Өзара түсіністік туралы меморандум аясындағы бірлескен бастамалардың ауқымын кеңейту ұйыммен ынтымақтастықты одан әрі жалғастыруда маңызды қадам болады.

Өз кезегінде Матиас Корман Қазақстанның ұйыммен табысты ынтымақтастығын оң бағалайтынын жеткізді.

Қасым-Жомарт Тоқаев пен Матиас Корман
Қасым-Жомарт Тоқаев пен Матиас Корман. Фото: Ақорда

Кездесу нәтижесінде Қазақстан Республикасы Үкіметі мен Экономикалық ынтымақтастық және даму ұйымы арасындағы Өзара түсіністік туралы меморандумға өзгерістер енгізу туралы хаттамаға қол қойылды.

Сондай-ақ мемлекет басшысы ұйымның "Құрметті қонақтар кітабына" естелік қолтаңба қалдырды.

Мақаланың түпнұсқасы: https://kaz.nur.kz/politics/1999635-toqaev-ekonomikalyq-yntymaqtastyq-zane-damu-uiymynyn-bas-xatsysymen-kezdesti/