"Бұл жалғыз Энергетика министрлігінің мәселесі емес": Ақшолақов Тоқаевтың сынына қатысты жауап берді

Энергетика министрі Болат Ақшолақов министрліктер кабинетінің кулуарында кеңейтілген үкімет отырысында президент тарапынан айтылған сынға қатысты пікір білдірді, деп хабарлайды KAZ.NUR.KZ тілшісі.

Бүгін бірлескен үкімет отырысында мемлекет басшысы Қасым-Жомарт Тоқаев Қазақстанның бірнеше қаласында ТКШ саласындағы жаппай мәселелерге жауапты бірқатар мемлекеттік органның жұмысын сынға алған еді. Оның ішінде президент Энергетика министрілігін де сынаған болатын.

"Петропавлда, Теміртауда, Степногорскіде, Балқашта, Қарағандыда, Ақтөбеде және Риддерде апаттар болды. Бірақ соның ешқайсысынан әкімдер мен министрлер, ең бастысы, меншік иелері тиісті қорытынды жасаған жоқ. Ал жақында Екібастұзда болған төтенше жағдай бұл саладағы ахуалдың қаншалықты күрделі екенін айқын көрсетті", - деді Тоқаев.

Президент сынына энергетика министрі Болат Ақшолақов жауап берді.

"Бұл жалғыз Энергетика министрлігінің мәселесі емес: иә, желілер Энергетика министрлігіне тиесілі. Біз станцияларға жауап береміз. Сәйкесінше, датчиктермен болған жағдай, бұл бәрінің бір уақытта бүлінгенін көрсеткен оқиға. Датчиктер, дұрыс команданың берілмеуі және т.б. Яғни станция жылуды бергенімен, жылу жүйесі тозған болып шықты, осылайша олар жарылды. Бұл үлкен бір кешенді мәселе, сол себепті комиссия жұмыс істеді", – деді ол.