"Қазақмыс корпорациясы" мен "Әділетті жол" келісімге қол қойды
Опубликовано:
!["Қазақмыс корпорациясы" мен "Әділетті жол" келісімге қол қойды "Қазақмыс корпорациясы" мен "Әділетті жол" келісімге қол қойды](https://cdn.nur.kz/images/1120x630/334c580c81dc1099.jpeg)
«Қазақмыс корпорациясы» ЖШС Басқарма төрағасы «Әділетті жол» ҚБ (Сәтбаев қ.) мүшелерімен әлеуметтік қолдау мәселелері бойынша өзара қарым-қатынас туралы келісімге қол қойды.
Келісімнің мәтініне сәйкес «Әділетті жол» ҚБ (бұдан әрі – бірлестік) мүшелері болып табылатын «Қазақмыс» қызметкерлеріне әлеуметтік қолдау шараларының кешенді түрлері көрсетіледі және компанияда қолданылып жүрген ұжымдық шартта көзделген жеңілдіктер беріледі, оның ішінде:
!["Қазақмыс корпорациясы" мен "Әділетті жол" келісімге қол қойды "Қазақмыс корпорациясы" мен "Әділетті жол" келісімге қол қойды](https://cdn.nur.kz/images/1120/7ab9ae8663717746.jpeg)
- Жұбайы немесе отбасы мүшесі қайтыс болған жағдайда қызметкерлерге орташа жалақысын сақтай отырып, әлеуметтік демалыстар беру;
- Жүкті әйелдерге арналған қосымша әлеуметтік демалыс;
- Ауыр және зиянды өндірістерде жұмыс істейтін бірлестік мүшесі болған қызметкерлерге еңбекке уақытша жарамсыздық бойынша айлық жәрдемақыға қосымша төлемдер;
- Өндірістегі жазатайым оқиға салдарынан қаза тапқан жұмыскерлердің жұбайлары үшін қызметтік тұрғын үйді меншікке өтеусіз беру;
- Салалық төсбелгілермен марапатталған бірлестік мүшелеріне біржолғы сыйақы;
- Өндірісте қаза болған бірлестік мүшелеріне, өндірістегі жазатайым оқиғадан мүгедектігі немесе кәсіптік ауру салдарынан еңбекке жарамсыз болғандарына моральдық зиянның орнын толтыру.
!["Қазақмыс корпорациясы" мен "Әділетті жол" келісімге қол қойды "Қазақмыс корпорациясы" мен "Әділетті жол" келісімге қол қойды](https://cdn.nur.kz/images/1120/0043434b5620d50f.jpeg)
Қол қойылған келісім шарт корпорация жұмыскерлерін әлеуметтік қолдауға бағытталған.
Мақаланың түпнұсқасы: https://kaz.nur.kz/politics/2013354-qazaqmys-korporaciyasy-men-adiletti-zol-kelisimge-qol-qoidy/