Тоқаев сайлауда дауыс берді (фото, видео)

Қасым-Жомарт Тоқаев Қазақстан парламенті мәжілісі мен жергілікті мәслихаттар сайлауында дауыс беруге қатысты, деп хабарлайды Ақорданың ресми Telegram-арнасы.

Мемлекет басшысы Қасым-Жомарт Тоқаев Әл-Фараби атындағы Оқушылар сарайында орналасқан сайлау учаскесіне барып, Қазақстан Республикасы мәжілісі мен жергілікті мәслихаттар сайлауында дауыс берді.

Еске салсақ, бүгін, 19 наурызда Қазақстанда парламент мәжілісі мен мәслихаттар депутаттарының сайлауы өтіп жатыр. Республикада және шетелде сағат 07:00-ден ашылған сайлау учаскелері жергілікті уақыт бойынша кешкі 20:00-ге дейін жұмыс істейді.