Тоқаев тиісті жарлыққа қол қойды: парламенттің алғашқы сессиясы өтетін күн белгілі болды

Мемлекет басшысы сегізінші сайланған Қазақстан Республикасы парламентінің бірінші сессиясын шақыру туралы жарлыққа қол қойды, деп хабарлайды Ақорда ресми сайтында.

"Қазақстан Республикасы Конституциясының 59-бабының 2-тармағына сәйкес ҚАУЛЫ ЕТЕМІН:

1. Сегізінші сайланған Қазақстан Республикасы парламентінің бірінші сессиясы 2023 жылғы 29 наурызда сағат 10-да Астана қаласында шақырылсын.

2. Осы жарлық қол қойылған күнінен бастап қолданысқа енгізіледі", - делінген президент қаулысында.

Айта кетейік, 19 наурызда Қазақстанда мәжіліс пен мәслихат депутаттарын сайлау өтті.

Бүгін Орталық сайлау комиссиясы мәжіліс депутаттарын сайлаудың түпкілікті қорытындысын жариялады.

Мәтіннен қате тапсаңыз, бізге жазыңыз