Бүгін Қытайдың CCTV телеарнасының эфирінен Тоқаевтың сұхбаты көрсетіледі
Жарияланған күні:
Бүгін Қытайдың CCTV телеарнасының эфирінен президент Қасым-Жомарт Тоқаевтың сұхбаты көрсетіледі, деп хабарлайды Ақорда Telegram-дағы арнасында.
"Президент ҚХР-ға мемлекеттік сапары қарсаңында еліміздің Қытаймен саяси-экономикалық және мәдени-гуманитарлық ынтымақтастығының даму перспективаларына, қазақ-қытай қатынастарының тарихы мен бүгінгі жай-күйіне, жаһандық және өңірлік саясатқа қатысты Leaders Talk бағдарламасының сұрақтарына жауап береді", - делінген президенттің баспасөз қызметінің хабарламасында.
Сонымен қатар президенттің баспасөз қызметі Leaders Talk - халықаралық проблемалар талқыланатын бағдарлама екенін атап өтті.
Бұған дейін аталған бағдарламаға 20-дан астам мемлекеттің басшысы мен халықаралық ұйымның жетекшілері эксклюзивті сұхбат берген.
Мақаланың түпнұсқасы: https://kaz.nur.kz/politics/2020287-bugin-qytaidyn-cctv-telearnasynyn-efirinen-toqaevtyn-suxbaty-korsetiledi/
