Top.Mail.Ru

Сайт нұсқасы

ru kz

Зектілері

Маңғыстау облысының әкімі өңірдегі су тапшылығы мәселесін шешу шаралары туралы айтты

Опубликовано:

түтік
Фото: Маңғыстау облысының әкімдігі

Маңғыстау облысында ауыз су тапшылығын кезең-кезеңімен шешу мақсатында 2025 жылға дейін су тұшытудың жалпы қуаты тәулігіне 200 мың текше метрге жуық 7 жобаны іске асыру жоспарланған. Бұл туралы Орталық коммуникациялар қызметінде өткен брифингте Маңғыстау облысының әкімі Нұрлан Ноғаев мәлімдеді.

Қазіргі уақытта облыста ауыз суды тұтыну көлемі 162 мың текше метрді құрайды. Ал тапшылық әсіресе жазғы кезеңде сезіледі, қажеттілік - тәулігіне 77 мың текше метр. Сондықтан қазіргі уақыттан бастап су тапшылығын жоюға байланысты жобалар кезең-кезеңімен жүзеге асырылуда.

Мәселен, "Қаражанбас" кен орнында қуаттылығы тәулігіне 17 мың текше метрді құрайтын су тұшыту зауыты іске қосылған. Бұған дейін кәсіпорын "Астрахань-Маңғышлақ" құбырынан су алып келген болатын. Нәтижесінде "Астрахан-Маңғыстау" су құбырынан босаған 10 мың текше метр ауыз су Жаңаөзен қаласы, Бейнеу, Жетібай ауылдары тұрғындарының игілігіне пайдаланылуда.

Су тапшылығын жою мақсатында жүзеге асып жатқан тағы бір шара "Каспий" су тұщыту зауытының қуатын екі есеге ұлғайту арқылы тәулігіне 40 мың текше метрге дейін жеткізу жоспарлануда.

тұзсыздандыру қондырғысы
Фото: Маңғыстау облысының әкімдігі

2022 жылдың жазғы маусымында қуаттылығы 5 мың текше метр тұщыту қондырғысы пайдалануға берілді. Ал қалған жұмыстар 2023 жылдың соңына дейін аяқталады.

"Сонымен қатар Ақтауда жеке инвестордың есебінен тәулігіне 20 мың текше метр су тұщыту қондырғысының құрылысы жүргізілуде. Жыл соңына дейін 10 мың текше метр су алу жоспарланған. Мемлекет басшысы алға қойған 12 ауылды орталықтандырылған сумен жабдықтау жөніндегі міндет бүгінде толық орындалды. Нәтижесінде елдімекендерде халықтың ауыз суға қолжетімділігі 96 пайыздан 100 пайызға дейін жетті", - деді Маңғыстау облысының әкімі Нұрлан Ноғаев Орталық коммуникациялар қызметінде өткен баспасөз мәслихатында.

Нұрлан Ноғаев
Фото: Маңғыстау облысының әкімдігі

Бұдан бөлек биыл Форт-Шевченко қаласында тәулігіне 5 мың текше метр, "МАЭК" аумағында 24 мың текше метр және Кендірлі аймағында 50 мың текше метр су тұщыту қондырғыларын салу жұмыстары басталады.

"МАЭК" энергия және су өндіру кешенін жаңғырту бойынша қабылданып жатқан шараларға жеке тоқтап өткен жөн.

МАЭК
Фото: Маңғыстау облысының әкімдігі

"Президент Үкіметке облыс орталығындағы инженерлік желілерді қайта құруға қажетті қаражат бөлуді тапсырды. Өңірдегі су тапшылығы мәселесін шешудің бірі "МАЭК" кешенін әкімдіктің коммуналдық меншігіне өткізу болып табылады. Кәсіпорынды коммуналдық меншікке берудің арқасында бізде кәсіпорынды жаңғырту бағдарламасын әзірлеу мүмкіндігі пайда болды. Жергілікті атқарушы органның резервінен электр станциясының тозған жабдықтарын, тұщыту қондырғыларының сорғы жабдықтарын және ДОУ үшін жылу алмастырғыш түтіктерді ауыстыруға 2,6 млрд теңге мөлшерінде қаражат бөлінді.

Сондай - ақ, электр станциялары мен МАЭК су тұщыту кешені жабдықтарының сенімді жұмысын қамтамасыз ету үшін республикалық бюджеттен жабдықтар мен жиынтық құралдар сатып алуға 4,9 млрд теңге көлемінде қаражат бөлуге өтінім жолданды", - деді Нұрлан Ноғаев.

Мақаланың түпнұсқасы: https://kaz.nur.kz/politics/2023167-mangystau-oblysynyn-akimi-onirdegi-su-tapsylygy-maselesin-sesu-saralary-turaly-aitty/

pixel