Тоқаев бүгін Халықаралық волонтерлер форумына қатысады
Жарияланған күні:
Мемлекет басшысы Қасым-Жомарт Тоқаев бүгін, 21 маусым күні Халықаралық волонтерлер форумына қатысады, деп хабарлайды Ақорданың Telegram-дағы ресми жаңалықтар арнасында.
"Форум 30-дан астам елден және Қазақстанның барлық аймағынан келген еріктілердің өзара тәжірибе алмасатын ірі диалог алаңы болмақ.
Сонымен қатар жиында волонтерлікті дамыту және халықаралық қайырымдылық ұйымдарының ынтымақтастығын нығайту перспективалары талқыланады деп жоспарланып отыр", – делінген хабарламада.
Еске сала кетейік, 19 маусымда Германияның федералды президенті Франк-Вальтер Штайнмайер Қазақстан Республикасының президенті Қасым-Жомарт Тоқаевтың шақыруымен Қазақстанға мемлекеттік сапармен келген болатын.
20 маусымда Ақордада Франк-Вальтер Штайнмайерді салтанатты түрде қарсы алу рәсімі өтті.
Сондай-ақ Қазақстан мен Германия президенті Тет-а-тет форматында келіссөз жүргізген.
Мақаланың түпнұсқасы: https://kaz.nur.kz/politics/2025697-toqaev-bugin-xalyqaralyq-volonterler-forumyna-qatysady/
