Тоқаев тағы бірнеше заңға қол қойды

Мемлекет басшысы Қасым-Жомарт Тоқаев "Заңсыз иемденілген активтерді мемлекетке қайтару туралы" заңнан бөлек, тағы бірнеше заңға қол қойды. Бұл туралы Ақорда ресми сайтында хабарлады.

Президент тағы мынандай заңдарға қол қойды:

• "Прокуратура туралы" Қазақстан Республикасының Конституциялық заңына өзгерістер мен толықтырулар енгізу туралы" Қазақстан Республикасының Конституциялық заңына;
• "Қазақстан Республикасының кейбір заңнамалық актілеріне заңсыз иемденілген активтерді мемлекетке қайтару мәселелері бойынша өзгерістер мен толықтырулар енгізу туралы" Қазақстан Республикасының заңына;
• "Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы" Қазақстан Республикасының заңына;
• "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) толықтыру енгізу туралы" Қазақстан Республикасының заңына.

Айта кетейік, бұған дейін мемлекет басшысы заңсыз иемденілген активтерді мемлекетке қайтару туралы заңды мақұлдаған болатын.