Тоқаев Мысыр президентіне құттықтау жеделхатын жолдады

Мемлекет басшысы Мысыр президентіне құттықтау жеделхатын жолдады, деп хабарлайды Ақорда ресми сайтында.

Жеделхатта Қасым-Жомарт Тоқаев Әбдел Фаттах Ас-Сисиді және Мысыр Араб Республикасының барша халқын ұлттық мейрамы – Революция күнімен құттықтаған.

Сондай-ақ мемлекет басшысы Қазақстан мен Мысыр арасындағы дәстүрлі достық қатынастар мен берік ынтымақтастық халықтарымыздың игілігі жолында одан әрі нығая беретініне сенім білдірген.