Антикор БҚО әкімінің орынбасары ұсталғаны туралы ақпаратқа қатысты пікір білдірді

Сыбайлас жемқорлыққа қарсы іс-қимыл агенттігі БҚО әкімінің орынбасары мен "Ақжайық" ӘКК экс-басшысының ұсталғаны жайлы ақпаратқа қатысты пікір білдірді. Бұл туралы агенттік Telegram-дағы ресми арнасында хабарлады.

"Кейбір бұқаралық ақпарат құралдарында және telegram-арналарда Батыс Қазақстан облысы әкімінің орынбасары мен "Ақжайық" ӘКК экс-басшысын Сыбайлас жемқорлыққа қарсы қызметтің ұстағаны туралы ақпарат таратылуда.

Бұл ақпарат шындыққа сәйкес келмейді. Аталған адамдар ұсталған жоқ", – делінген агенттіктің ресми хабарламасында.

Агенттік қылмыстық істерді тергеу туралы барлық өзекті ақпараттар Антикордың ресми сайтында және Telegram-арнасында жарияланатынын атап өтті.

"Азаматтардан ресми көздерден алынған ақпаратқа сенуді сұраймыз", – деді агенттік өкілдері.