"31" арнаның бас директоры болған бұрынғы диктор жаңа қызметке тағайындалды
Опубликовано:
Құрманбек Жұмағали "Ұлттық киноны қолдау мемлекеттік орталығы" коммерциялық емес акционерлік қоғамының басқарма төрағасы лауазымына тағайындалды. Бұл туралы Мәдениет және спорт министрлігінің Telegram-дағы ресми арнасында хабарлады.
Жұмағали Құрманбек Жұмағалиұлы 1985 жылы 27 тамызда дүниеге келген.
2008 жылы Абай атындағы Қазақ Ұлттық педагогикалық университетін тәмамдаған.
Масс-медиа және телеменеджмент саласында 10 жылға жуық тәжірибесі бар.
Ол 2004-2007 жылдар аралығында – "Қазақстан" РТРК" АҚ-да бағдарламалардың редактор - жүргізушісі;
2007-2013 жылдары "Қазақстан" РТРК" АҚ Ақпараттық бағдарламалар дирекциясының продюсері, "Хабар" агенттігі" АҚ қорытынды жаңалықтар жүргізушісі;
2013-2014 жылдар аралығында Қарағанды облысы әкімдігі баспасөз қызметінің басшысы, Қарағанды облысы әкімінің кеңесшісі;
2014-2015 жылдары "Қазақстан" РТРК" АҚ Ақпараттық-сараптамалық бағдарламалар дирекциясының директоры, "Сенбілік кездесу" ток-шоуының жүргізушісі;
2015 жылы "Қазақстан" РТРК" АҚ Аймақтық дамыту дирекциясының директоры;
2017 жылы "Алматы" телеарнасы бас директорының бірінші орынбасары;
2017-2018 жылдары - Маңғыстау облысы ішкі саясат басқармасының басшысы;
2018-2019 жылдары - "Қазақ радиолары" ЖШС директоры;
2019 жылдың 10 маусымынан бастап "Қазақстан "РТРК" АҚ басқарма төрағасының бірінші орынбасары;
2019-2021 жылдар аралығында "Астана" телеарнасының бас директоры болған.
2021 жылдан бастап бүгінгі күнге дейін "31" медиахолдингінің бас директоры қызметін атқарған.
Мақаланың түпнұсқасы: https://kaz.nur.kz/politics/2030455-31-arnanyn-bas-direktory-bolgan-buryngy-diktor-zana-qyzmetke-tagaiyndaldy/
