Тоқаев бірқатар кадрлық ауыс-түйіс жасады

Президент Қасым-Жомарт Тоқаев бірқатар кадрлық ауыс-түйіс жасады. Бұл туралы Ақорда Telegram арнасында хабарлады.

Мемлекет басшысының жарлықтарымен:

• Қазақстанның Эфиопия Федеративтік Демократиялық Республикасындағы елшісі Барлыбай Садықов Қазақстанның Кения Республикасындағы елшісі қызметін қоса атқарушы лауазымына тағайындалды;
• Асқар Әбдірахманов Париж қаласындағы (Француз Республикасы) Білім, ғылым және мәдениет мәселелері жөніндегі Біріккен Ұлттар Ұйымының және басқа да халықаралық ұйымдардың жанындағы Қазақстанның Тұрақты өкілі лауазымына тағайындалды.

Сондай-ақ Қазақстанның Француз Республикасындағы Төтенше және Өкілетті Елшісі Гүлсара Арыстанқұлова Білім, ғылым және мәдениет мәселелері жөніндегі Біріккен Ұлттар Ұйымының жанындағы Қазақстанның Тұрақты өкілі лауазымынан босатылды.