Президент әкімшілігінің құрылымы қайта құрылды

Мемлекет басшысы Қасым-Жомарт Тоқаев Президент әкімшілігінің құрылымын қайта құру туралы жарлыққа қол қойды. Бұл туралы Ақорда Telegram-дағы ресми арнасында хабарлады.

Осы құжатқа сәйкес Президент әкімшілігінің жаңартылған құрылымына келесі лауазым иелері кіреді:

• Президент әкімшілігінің басшысы;
• ️Қауіпсіздік кеңесінің хатшысы;
• ️Президент кеңсесінің бастығы;
• ️Президенттің көмекшілері;
• ️Президенттің кеңесшілері;
• ️Президент әкімшілігінің бөлімдері.

Жарлыққа сәйкес мынадай мәселелер бойынша президенттің көмекшілері лауазымдары енгізіледі:

• ішкі саясат және коммуникациялар мәселелері бойынша;
• экономикалық мәселелер бойынша;
• халықаралық мәселелер бойынша;
• құқықтық мәселелер бойынша;
• ғылым және инновация мәселелері бойынша.

Сондай-ақ Ақорда Президент әкімшілігі басшысының орынбасарлары лауазымдары жойылатынын және Президент әкімшілігінің төрт бөлімі қысқарғанын атап өтті.

Мәтіннен қате тапсаңыз, бізге жазыңыз