Елімізде үкімет құрамы қалай өзгерді

Мемлекет басшысының халыққа арнаған жолдауынан кейін Қазақстанда жаңа министрліктер пайда болып, ескі министрлердің лауазымы ауысқан болатын – бүгінде министрлер кабинетінің жаңа құрамы қандай? Толығырақ KAZ.NUR.KZ материалынан оқыңыз.

1 қыркүйек күні мемлекет басшысының жарлығымен бірнеше министрлік құрылған болатын:

• Су ресурстары және ирригация министрлігі;
• Көлік министрлігі;
• Туризм және спорт министрлігі;
• Мәдениет және ақпарат министрлігі;
• Өнеркәсіп және құрылыс министрлігі.

Кейін жаңа министрліктердің басшылары тағайындалды:

• Су ресурстары және ирригация министрі болып Нұржан Нұржігітов;
• Көлік министрі болып Марат Қарабаев;
• Туризм және спорт министрі болып Ермек Маржықпаев;
• Мәдениет және ақпарат министрі болып Аида Балаева;
• Өнеркәсіп және құрылыс министрі болып Қанат Шарлапаев тағайындалды.

Сондай-ақ бұрыннан бар министрліктердің басшылары ауысқан:

• Ішкі істер министрі лауазымына Ержан Сәденов;
• Сауда және интеграция министрі лауазымына Арман Шаққалиев;
• Еңбек және әлеуметтік қорғау министрі лауазымына Светлана Жакупова;
• Ауыл шаруашылығынің министрі лауазымына Айдарбек Сапаров;
• Экология және табиғи ресурстар министрі лауазымына Ерлан Нысанбаев қойылды.

Ал қалған министрлер ескі қызметінде қалған:

• Энергетика министрі қызметін Алмасадам Сәтқалиев;
• Ұлттық экономика министрі қызметін Сырым Шәріпханов;
• Оқу-ағарту министрі қызметін Ғани Бейсембаева;
• Денсаулық сақтау министрі қызметін Ажар Ғиниятқызы;
• Ғылым және жоғары білім министрі қызметін Саясат Нұрбек;
• Әділет министрі қызметін Азамат Есқараев;
• Сыртқы істер министрі қызметін премьер-министрдің орынбасары Мұрат Нұртілеу;
• Қаржы министрі қызметін премьер-министрдің орынбасары Ерұлан Жамаубаев атқаруда.

Айта кетейік, Ұлттық банктің төрағасы болып Тимур Сүлейменов тағайындалған болатын.

Премьер-министр Әлихан Смайыловтың алты орынбасарының ішінде екеуінің қызметі ауысқан:

Тамара Дүйсенова бұған дейін Еңбек және әлеуметтік қорғау министрі мен премьер-министрдің орынбасары қызметін қатар атқарып жүрген еді, бүгінде енді тек премьер-министрдің орынбасары міндетін атқарады.

Серік Жұманғарин да бұған дейін Сауда және интеграция министрі мен премьер-министрдің орынбасары қызметін қатар алып жүрген болатын, бүгінде тек премьер-министрдің орынбасары қызметін атқаруда.

Премьер-министрдің қалған 4 орынбасары ескі лауазымында қалған: яғни, премьер-министрдің бірінші орынбасары - Роман Скляр, премьер-министрдің орынбасары әрі үкімет аппаратының басшысы Ғалымжан Қойшыбаев, сонымен қатар жоғарыда аталған Мұрат Нұртілеу мен Ерұлан Жамаубаев.

Жалпы бүгінде Қазақстанда 21 министрлік, ал министрлер кабинетінде – 26 министр.

Еске сала кетейік, 1 қыркүйекте мемлекет басшысы Қасым-Жомарт Тоқаевтың жарлықтары бойынша Қазақстанның бірқатар министрі қызметінен босатылған еді:

• Марат Кәрімжанұлы Қарабаев Қазақстан Республикасының Индустрия және инфрақұрылымдық даму министрі лауазымынан босатылды;
• Дархан Қуандықұлы Қыдырәлі Қазақстан Республикасының Ақпарат және қоғамдық даму министрі лауазымынан босатылды;
• Асхат Раздықұлы Оралов Қазақстан Республикасының Мәдениет және спорт министрі лауазымынан босатылды;
• Зүлфия Болатқызы Сүлейменова Қазақстан Республикасының Экология және табиғи ресурстар министрі лауазымынан босатылды.

Мәтіннен қате тапсаңыз, бізге жазыңыз