Болат Тілеп Президент әкімшілігінің Ішкі саясат бөлімінің меңгерушісі лауазымынан босатылды
Жарияланған күні:
Болат Тілеп Президент әкімшілігінің Ішкі саясат бөлімінің меңгерушісі лауазымынан босатылды, деп хабарлайды Ақорда Telegram-дағы ресми арнасында.
"Мемлекет басшысының өкімімен Болат Анапияұлы Тілеп Қазақстан Республикасы президенті әкімшілігінің Ішкі саясат бөлімінің меңгерушісі лауазымынан босатылды", - делінген хабарламада.
Премьер-министрдің ресми сайтындағы мәліметке сүйенсек, Болат Тілепов 1978 жылы Кентау қаласында дүниеге келген.
Әл-Фараби атындағы Қазақ мемлекеттік ұлттық университетін "саясаттанушы, саясаттану оқытушысы" мамандығы бойынша тәмамдаған.
2001-2005 жылдары "Стратегия" талдау орталығы" қоғамдық қорының сарапшысы, Әлеуметтік-саяси зерттеулер ғылыми-зерттеу институтының ғылыми қызметкері, Саяси технологиялар орталығының аға ғылыми қызметкері болып жұмыс істеген.
2005-2006 жылдары — Алматы қаласы әкімі аппаратының Қазақстан халқы кіші ассамблеясы меңгерушісінің міндетін атқарушы, хатшылық меңгерушісі.
2008 жылы — Алматы қаласы Ішкі саясат департаменті директорының орынбасары, Ішкі саясат басқармасы басшысының орынбасары.
2008 жылдан 2013 жылға дейін — Астана қаласы Ішкі саясат басқармасы басшысының орынбасары, басшысы.
2013-2014 жылдары — "Астана қаласының Ішкі саясат басқармасы" ММ басшысы.
2014-2015 жылдары — Қорғаныс министрлігінің Әкімшілік департаменті басшысының орынбасары.
2015-2016 жылдары — премьер-министр орынбасарының кеңесшісі.
2017-2019 жылдары — Қазақстанның Ресей Федерациясындағы елшілігінің кеңесшісі.
2019-2020 жылдары — Президент әкімшілігінің мемлекеттік инспекторы.
2020-2022 жылдары Ақпарат және қоғамдық даму вице-министрі қызметтерін атқарған.
2022 жылдың ақпан айынан бүгінгі күнге дейін Президент әкімшілігінің Ішкі саясат бөлімінің меңгерушісі болды.
Мақаланың түпнұсқасы: https://kaz.nur.kz/politics/2035546-bolat-tilep-prezident-akimsiliginin-iski-sayasat-boliminin-mengerusisi-lauazymynan-bosatyldy/
