Top.Mail.Ru

Сайт нұсқасы

ru kz

Зектілері

Тоқаев екі қытайлық компанияның төрағасын қабылдады

Опубликовано:

Мемлекет басшысының қытайлық компания төрағаларымен кездесуі
Мемлекет басшысының қытайлық компания төрағаларымен кездесуі. Фото: t.me/aqorda_resmi

Мемлекет басшысы LY iTECH компаниясының төрағасы Цзэн Фанцинь мен HGTECH Co. Ltd компаниясының төрағасы Ма Синьцянды қабылдады. Бұл туралы Ақорда Telegram-дағы ресми арнасында хабарлады.

Президент баспасөз қызметінің мәліметінше, мемлекет басшысына тұрмыстық техникалардың, автокөліктер мен смартфондардың қосалқы бөлшектерін шығаратын және инновациялық технологиялар саласында жұмыс істейтін Қытайдың ірі жоғары технологиялық кәсіпорындары жөнінде мәлімет берілді.

Әңгімелесу барысында инвестициялық жобаларды жүзеге асыру және қосалқы бөлшектер мен лазерлік құрылғы өндіру үшін Қазақстаннан сирек кездесетін металдарды тұрақты түрде жеткізу ісін жолға қою перспективалары талқыланды.

Сонымен қатар еліміздің инновациялық әлеуетін нығайту мәселелері де қарастырылды.

Қасым-Жомарт Тоқаев екі елдің стратегиялық серіктес екенін, соның ішінде Қытайдың "Бір белдеу – бір жол" жаһандық бастамасы аясында ынтымақтастық орнатқанын атап өтті.

Мақаланың түпнұсқасы: https://kaz.nur.kz/politics/2036474-toqaev-eki-qytailyq-kompaniyanyn-toragasyn-qabyldady/